أقواااااااااااااااااال كنزى

إن أحسست يوما.. بأنك مرهق من ركض السنين..

إن ابتسامتك تختفي خلف تجاعيد الأيام..

إن الحياة أصبحت لا تطاق..

إن شعرت أن الدنيا اصبحت سجنا لانفاسك..

إن الساعات لا تعنى إلا مزيدا من الألم..

إن كل شئ اصبح موجعا..

إن طعنك صديق وإحتلك الضيق..

إن فقدت كل شىء جميل وتحطم طموحك على كف المستحيل..

إذااااااااااً..!!!

أرسم على وجهك ابتسامة من قهر..

أسكب من عينك دمـعـة مـن فرح..

إفتح عينك للهواء والنور..

لا تهرب من نفسك في الظلام..

وعد إلى النور..

أحضن عروقك المفتوحة.. وجراحك التي اصبحت تحتاج لك أكثر..

أشعرها بوجودك.. وأشعر انت بوجودها..

تعلم فن التسامح و عش بمنطق الهدوء..

لاتجعل قلبك مستودعا للكره والحقد والحسد والظلام..

لا تـنظر إلى من حولك باكثر من ابتسامة..

ستجتاز المسافات وتخترق حواجـز الصراع..

إبتسم لهم رغم كل ما فيك من أوجاع فأنت هكذا..

تعيش أقوى من ألمك ومن شيطان نفسك.. ومن حب ذاتك..

أحمل في قلبك ريشة ترسم بها لوحة..

يتذكرك بها الأخرون..

ولا تجعله يحمل رصاصة تغتال بها كل الجمال من حولك..

مسكين جدا انت..

حين تظن أن الكره يجعلك أقوى..

وأن الحقد يجعلك أذكى..

وأن القسوة والجفاف هي ما تجعلك انسانا محترما..

تعلم أن تضحك مـــع من معك..

وأن تشاركه ألمه ومعاناته..

عش مـعـه.. وتـعايش بـه.. عش كبيرا..

وتعلم أن تحتوي كل من يمر بك..

وتعلم أن لا تصرخ عندمـــا يتأخر صديقك..

وتعلم أن لا تجزع حين تفقد شيئا يخصك..

وتعلم أن تتذكر دائماًإن كل شئ قد كان فى لوحة القـدر..

قبل أن تكون شخصا من بين ملايين البشر..

وتعلم أن غضب صديقك.. إذهب وصافحه واحتضنه..

وتعلم أن غضبت إنت من صديقك.. إفتح له يديك وقلبك..

وتعلم أن خسرت شيئا.. فتذكر انك قد ربحت اشياءاًكثيره..

وتعلم أن فاتك موعد.. فتذكر انك قد تلحق موعــداً آخر..

وتعلم مهما كان الآلم مريراً ومهما كان القادم مجهولا..

افتح عينك للأحلام والطموح فغــداً يوم جديـــد..

وغداً أنت شخــــص جديد..

لا تحاول أن تجلس وأن تضحك الأخرين بسخرية من هذا الشخص أو ذاكـ.. فقد تحفر في قلبه جرحا.. لن تشعر به و لكنه سيعيش به حتى أخر يوم من عمره.. فهل على الدنيا أقبح من أن تنام..

وإن صديقك يأن من جرحك..؟!!!

ويتوجع من كلماتك..؟!!!

كن قلباً و روحاً تمر بسلام على الدنيا حتى يأتي يوم رحيلك..

إلى الاخرة فتجد من يبكي عليك.. من الاعماق..

لا من يبكي عليك.. بحكم العادات و التقاليد..

ولا تدري.. متى يكون الرحيل ربما يكون اقرب من شربة الماء..

أو اقرب من أنفاس الهواء.. صدقنـــــي ساعتها..

سترى أن الحياة يمكن أن تكون جميلة حتى في عز الآلم..

وفي وسط المعاناة.. ستجد أن الأبتسامة تخرج من أعماقك..

تخرج من زحمة اليأس والمرارة..

تخرج من صميم الذات..!!!

أحاسيس متناثرة

الشعور بالوحدة قاتل
ممكن تكون قاعد مع ناس كتير بس من جواك وحيد..
وتتعذب أكتر لما تكون مستنى شخص معين أو حدث معين ويبقى بالنسبة لك هو الدنيا وما فيها وهو الوحيد اللى هيملى حياتك وهيهون عليك لحظات اليأس والوحدة دى..
لا والأصعب بقى كمان لما تكون متأكد أن الشخص ده فى نفس الوقت اللى انت محتاجه يؤنس وحدتك..

بيكون هو مشغول بحد تانى أو حاجة تانية..
شعور مؤلم أنك تفضل تنتظر وتنتظر وتنتظر وفى الآخر مايوصلش ومايجيش الشخص المنتظر..
شعور مؤلم أنك تنتظر مكالمة من شخص عزيز عليك ولا يتصل وخصوصا لو انت عارف أنه بايده يتصل وبالعكس ممكن يكون بيكلم غيرك دلوقتى..
والأصعب و الأصعب أن يكون الشخص ده جرحك أو زعلك وتفضل أنت مستنى أنه يحس بغلطته ومش مهم يعتذر..

كفاية بس يكلمك ويكون حنين معاك.. بس للأسف ولا هو هنا..
يمكن يكون مش واخد باله أنه جرحك وممكن تطلع أنت الغلطان فى الآخر..
احساس مؤلم أن الشخص اللى بتتمنى يسعد حياتك يكون هو سبب تعاستك..
احساس مؤلم أنك تعطى وانت فعلا من جواك مش منتظر مقابل..

وفى النهاية تلاقى نفسك متهم أنك عايش فى دور المضحى وأنك ماعملتش أى حاجة ولا حد حاسس بيك..
شعور مؤلم لما تكون هاتموت وتفضفض ومش قادر تعمل ده..

يبقى نفسك بس حد يقولك أنا حاسس بيك ويبقى حاسس بيك بجد..
احساس بالحيرة لما أوقات تحس بفتور تجاه شخص كان كل دنيتك .. يمكن يكون ده رد فعل مش فعل.. وبعدين ترجع تحن لو حسيت بضعفه أو طيبته وتقول نبدأ من جديد .. وفى ثانية بكلمة أو نظرة منه يهد كل حاجة وترجع تبدأ من الصفر..
احساس مؤلم لما تكون عمال تخطط وترسم فى خيالك ازاى هتسعده و تقرب منه وفجأة يفوقك بكلامه وتلاقيك عايش مع نفسك فى الوهم
هو فى وادى وأنت فى وادى تانى خالص..
احساس بايخ انك تسمع كلمة حلوة وأنت عارف أن اللى بيقولها مش حاسسهاوبيقولها تأدية واجب وأنت مضطر تعمل مصدق وتضحك فى وشه
وبردو أحساس سخيف أنك تتسول الكلمة الحلوة وفى الآخر ممكن بردو ماتلاقيهاش..
وصدقنى حتى لو اتقالت مش هيبقى ليها أى طعم بس أنت للأسف بتبقى محتاجها وبتتمنى تطلع من القلب..
احساس مؤلم لما حد يمسح بأستيكة من تاريخك معاه أى حاجة حلوة عملتها
وكأن ماكانش بينك حاجة حلوة..
احساس بالقهر لما تلاقى أن الناس اللى أنت كل همك رضاهم بيعملوا خاطر وحساب لكل الناس الا أنت..
شايفين كل الناس حلوة الا أنت..
ماشيين يدوروا على الحلو عند غيرك ومش عندك أنت..
وممكن تكون أنت أحسن من كل دول بس ..
منتهى السخرية أن حد يجرحك باسم الصداقة ولو فكرت بس تختلف مع الصديق المزعوم يكشر عن أنيابه ويقولك..

احنا فعلا ماينفعش نبقى أصحاب كأنه بيمن عليك بصداقته..
احساس فظيع بالذنب لما تحس أنك بتغلط وتحاول تقاوم وترجع تانى تغلط
احساس مؤلم لما تحس أن ربنا مش راضى عنك..
احساس مؤلم لما تحس أنك بتاخد حاجة مش من حقك..
احساس مؤلم لما يختفى أقرب الناس ليك وأنت محتاجهم..
صديقك تعرفه لما تكون بس عايز تبقى معاه حتى لو مش هتتكلم بس مجرد وجوده هيحسسك بالأمان ويهون عليك..
احساس بالضياع لما أوقات تحس أنك تايه ومش فاهم نفسك..
أن حد يخونك احساس صعب وممكن يدمرك ويقتل فيك حاجات حلوة كتير بس احساسك أن أنت خاين أصعب بكتيييييييييييييييييييييير..
احساس مؤلم لما تكتشف أن عمرك ضاع وأنت فاكر أنك بتعمل حاجة
بس يا خسارة تكتشف فى الآخر أنك ماوصلتش لحاجة..!!!